ARUNDO

I.

ARUNDO

Crescens, aucupii genus Veteribus in usu, vide infra Calamus Aucupatorius.

II.

ARUNDO

in Bucolicis adhibita, quam vocem vide, an Indicis cesserit, quae sacchari dulcissimum fundunt liquorem, in dubio relinquitur. Has certe et Veteres quodue habuerunt, sed artem inde conficiendi saccharum ignorârunt diu, uti videbimus infra ubi de Saccharo. Nec hodieque illam callerent Sinenses, ni Indus sacrificulus, cuius asinus arundinetum cuiusdam ingressus stragem magnam huiusmodi cannarum fecerat, damnum illatum fecreti huius revelatione luere coactus fuisser. Sed praeter has, quae exiguae sunt, alias habent Indi ac Sinenses arundines, craslas usque adeo, ut duabus tribusque manibus stringi nequeant. Ut de iis, in quibus manna seu saccharum Mambu reperitur, iam nil dicam: in Chucheu provinc. Sinensi, rivus est prope Kingning, magnis arundinum huiusmodi silvis vitescens, quarum quamplurimae species sunt. Earum omnium ferrea durities: hinc, licer intus vacuae sint, suisque nodis ac articulis distinctae, firmissimae sunt tamen ac securissime imposita onera sustinent, altitudo saepe trium aut quatuor perticarum est Truncus aut lign??? in quibusdam viride, in aliis nigerrimum; quarum hae plerunq???lidae. Amoenissimum praebent aspectum, tum folia oblonga, formâ gladioli, summitatibus nonnihil inflexis atque incurvis, tum quia toto Auni tempore virides sunt. Licet autem adeo sint durae, ut diximus, facile tamen in licia tenuissima, ac velutt membranulas, ab Artis peritis dislecantur, ex quibus storeas, capsulas, pyxides, pectines, aliaque similia utensilia minutissima conficiunt subtilissime. Ex iisdem domos suas facile construunt, iisque pro aedium minorum postibus utuntur; ex tenuioribus hastilia fiunt, cuspide praeferratâ, atque ad sexcentos alios usus adhibentur. Ad aquarum inprimis canules, ductusquestruendos, cum a natura perforatae sint, scaphas item, aptissimae habentur: ac pro tubis opticis longioribus, ob laevitatem, rectitudinem ac firmitatem, excellentes prorsus, ac singulares. Cum recens desecta talis canna comburitur, emittit aquam Medicis plurimum expetitam: Epota namque puttescentem sanguinem locôque vel casu vel percussione motum, e corpore expellit. Tenera ac primum nata, antequam folia emittat, cum carne adhibetur pro cibo, veluti rapa aut cocti cardui: quin et aceto macerata totô servatur annô, tamquam condimentum seu obsonium, ob delitias, non secus ac minores per Europam cucumeres aut foeniculum, etc. Vide Auctorem Anonymum Sinae et Europae c. 34. ut et c. 46. ubi de altero Mose in canna reperto, celebrem habes Sinensium fabulam. Item infra in vocibus Calamus, Harundo, etc.